کیم بئله سی قووالاییر
ندن بئله تله سیرسیز
قیریلمیش ترن لر کیمی
قیوریلی آخان بولودلار،
هانسی اؤلکه یه گئدیر سیز؟
بو یئرلر کی بختوردیر،
بو یئر لرده گؤل قوروماز،
قیریلماز فلامینگو لاری
اورمو یا گئدین نه اولور
گئدین باخین نه گونده دیر دنیزیمیز،
بیر میللتین نفسینی
گؤرون نئجه قورودورلار
مثلا کی، سوروملولار
او یئر لرین عدالتی ترس اوخونور
وکیل لری ظالیم لرین قوللوغوندا،
پلیس لری مظلوم دویور
حاکیم لری انسانلیغی یئره سوخور
جیزیق چکیر عدالتین اللرینه
گئدین گؤرون
بیر میللتین هویتی، استعمارین جایناغیندا،
جان اوستونده
بوغولماقدا،
او یئری لرین کؤچوب گئدیر دونیالاری
آلین منیم اوره ییمی،
بوغولور قارا قهردن
داملا داملا قوربان وئرین دوزلو گؤله
نه اولور اورمو یا گئدین
گورشاد سالین، طوفان سالین،
نفس لری گئری دونسون
قییمایین گؤلوموز اولسون
