عزیز هموطنلر، بعضی سویداشلاریمیزین آزربایجان نامینه، بویو میلتیمیزین آندایچمیش دوشمانی اولان، فارس شوونیزمی و فاشیزمینین اویونلاریندا، اوْزلرینی ساغدوش سولدوش دورومونا گتیرمه لرینی قیناییرام.
اومود دوزگون
دیرلی آزربایجان تورک میلتی، گئچن هفته لردن بری امریکانین باش شهریی واشینگتوندا بیرآرایا گئلن پان فارس، ضد آزربایجان و ضد تورک قوه لری طرفیندن بیر پارا ایجلاسلار قورولوب و قورولماقدادیر. بو ایجلاسلارا غیر فارس میلتلردنده سیاهی لشکر اورلاراق، دعوت ادیبلر.
فارس فاشیزمی اؤزینه آمریکا مقاملارینین یانیندا مقبولیت قازانماق ایچون، غیر فارس میلتلرینه منسوب اولانلارا او جمله دن بعضی آزربایجانلیلارا دا میکروفون باغیشلامیشلار.
بو ایجلاسلاردان بیری فارس فاشیزمینین باشچیلاریندان اولان علیرضا نوریزاده «کنفرانس نیروهای اپوزوسیون ایران» و اوبیرسی ده، فارس شونیزمینین داخیلده اصلاح طلبچی و خاریجده سلطنت طلب بزک چیسی اولان و راحات جاسینا و مشکوک صورتده آمریکادا بویوک درجه لره یوکسلینن موهره ، امیرعباس فخرآور طرفیندن « نیروهای اپوزوسیون ایرانی کنگره ملی ایرانیان – برای ایرانی آزاد و دموکراتیک» آدلی کنفرانس تشکیل ادیبلر.
من بیر آزربایجان ملی حرکتچسی اولاراق بو ایجلاسلاری کؤکوندن رد ائدیرم و بو ایجلاسلاردا آزربایجان آدینا قاتیلانلاری خوش نیت له اولورسادا! قینایرام.
منجه فارس شوونیستی و فاشیستی قوه لرینین مدیریت ائتدیگی کنفرانس و ایجلاس هر عنواندا اولورسا اولسون، ملی حرکتیمیزین زیانینا و آزربایجان مرکزلی دوشونجه نین ضدینه دیر.
یالنیز بین الملل اورگانلارینین و یا هر بیر طرف سیز قورومین طرفیندن تشکیل و مدیریت ائدیلن کنفراسلاردا و برابر صورتده هر میلیت دن بیر نماینده ، یعنی فارسلاردان دا فقط بیر نماینده اولورسا ، ملی حرکته منسوب اولان تانینمیش فعالاردان ایشتراک اتمه سینی اویقون گؤروپ، ضروری حساب ائدیرم.
