عزیز دوستلار ، واشنگتوندا بیر استراتژیسیندن ائشیتدیگیم چوخ اهمیتلی بیر تحلیلی سیزینله پایلاشماق ایستریم؛
غرب دونیاسی و ان سون سچه نکده حتی روسیه و چین، ولایت فقیه رژیمینین چوکمه سینی ایسته دیگینه رغما، ایرانین داغیلماسینی ایسته میر.
بونون ندنی حاکیم قومیتی سئودیکلری اوچون دییل. بلکه حتی بو قومیتین شیشیریلمیش ایمپراطورلوق باخیشلاریندان و رویالاریندان چوخدا راحاتسیز دیرلار. باتی دونیاسی کوردیستان، بلوچیستان، تورکمن صحرا، لوریستان و حتی گیلانین بیله ایریلماسیندان چکینمیر.
سادجه بیر بویوک قورخو وار؛
غربین باخیشینا گوره رژیم چوکورسه و بو‌دورومدا یئرینی باشقا بیر فارس حاکیمیتی ایله دولدورماق مومکون اولمازسا و تورکلر ،
۱/ بوتون ایرانی اله گچیرسه لر،
۲/ یادا اذربایجان دا مستقیل اولورسالار،
او زامان تورک دونیاسی نین «برلین دوواری» ییخیلاجاق و یئله لیکله،
۱/ تورک دونیاسی گوجله نرک بیرلشمه یه دوغرو گدر،
۲/ ارمنیستان چیخماز بیر محاصره یه دوشر،
۴/ قفقاز دا و باشقا تورک بولگه لرینده حرکتلره ندن اولار،
۳/ و ان اونملیسی اسیانین تیجارت یولو اوروپایا تورک کنترولوندا اولور.
بئله لیکله تبریزین فتحی ایستانبولون فتحی کیمین دونیا ایچین ینی بیر تاریخین یازیلماسینا یول آچابیلر.
بو ارادا اونوتمایاق کی سویوق ساواش ۱۹۴۵ ده اذربایجان میلی حکومتینین قورولماسی ایچین باشلامیشدیر.
حتی ۱۳۸۵ ایلینده باتی دونیاسی رژیمین سون وئریلمه سینین باشلاماسی ایچین اورتاق بیر قراره وارمیشدیر. کاریکاتور قیامتی و تورک اوفکه سی، بو پیلان ناتو ایجلاسیندا المانیانین موداخیله سی ایله گئری چئوریلمیشدیر.
چوخ اهمیتلی توپراغلارا، تاریخه و گوجه صاحیب اولدوغوموزا رغما، بو یولدا بیرلیک ایچینده ده ییلیک و بئله لیکله ان کوچوک مسله لرین حلینده بیله قالمیشیق.
بو تورکلوک و اذربایجان تاریخینین ان بویوک فاجیعه سی دیر.
نه اتمه لییک؟!
چوخ عاجیل اولاراق بیرلشمه میز و ارامیزدان بیر “شورا” یا، مشروعیت ورمه میز گره کیر.
بو ایستیقامتده قلم، سیاست بیلیمی، حقوق، مدیا و تحلیل گوجونه صاحیب اولان صادیق و تانینمیش فعاللاریمیز ایله بیرلیکده باتی نین قورخولارینی معقول یوللار ایله ازالتمامیز گره کیر. وار اولان تشکیلاتلارا سایغیم و سوگیم سونسوزدور. انجاق بونلارین یترسیز قالدیقلاری بللی دیر.
بیرلشمزسک عایله لریمیزله بیرلیکده یاخین ایللرده ۲۱ آذردن داها و داها آجی و اجیماسیز بیر سوی قیریما گوتورولمه میز پلانلانیر.
برتراند راسل: یا ال-اله، یادا اؤلومه
تهرانین دونکی حاکیمیتی بونو اتدی. بوگونکو حاکیمیتده اتمکده دیر. بوندان سونراسی دا اده جکدیر.
سوی قیریم یوزایلدیر کی اذربایجانین بولونمه سی و ایشغالی، مهاجرت، نیفاق سالماق، فساد، یوخسوللوق، مواد مخدر، تحقیر و ان سون اورمو گولونون قوروتولماسی یوللاری ایله باشلاتیلمیشدیر. سون پیلان فیزیکی محویمیزدیر.
بوگون میلیونلار اذربایجانلی میلی حرکتین سوزونو اشیتمیشدیر. یوزمینلر گنجیمیز بو یولدا جانیندان گچمه یه حاضیر دیر. مینلرجه اینسانیمیز اذربایجان ایچین اوزگورلوگلریندن گچه رک، زیندانی و شکینجه نی قبول اتمیشلر، یوزلرجه سی ده ساغلیقینی و جانینی قوربان ورمیشدیر.
رژیمینین چوکمه سینی ایسته دیگینه رغما، ایرانین داغیلماسینی ایسته میر.
