سن اؤزونو تانری سانیب
فیکر ائلیسن
اؤز قیزینی یاراتمیسان؟

بو حاققی کیم وئریب سنه؟
بو جراتی کیمدَن آلیب
هار ایت کیمی
اؤز بالاوی پارتاخلاییب
داغیتمیسان؟!

سن نه تَهَر بیر آتاسان؟
هئچ اۆره‌یین سیزلامادی؟
اؤز بالاوېن سون نفسین کَسَنده سَن؟

هر بیر اوشاغ قورخا قاچار
آتاسینی
آناسینی
قوجاق‌لییار!سنینکی سندن قاچاراخ
سنی توتوب قوجاقلادی؟

اَللرین هئش تیترَمَدی
یئتیرممیش یاشام‌لارین بوغدالیغین
اوْراخ‌لا دوْغرایاندا سن؟
گؤزلَرین هئچ بولاقلادی؟
سون باخیشین
سون گولوشون
گؤرَنده سَن؟

سون الینی قانلی اوزَن چَکیب دئدی؟
باغیشلادیم آتام سنی؟
سوچوم نه‌‌دی؟
گوناه‌سیز اؤلدورمه منی!

هئش دئدی غیرتلی آتام
باغیشلا دا سنده منی؟
ائشیتمدین؟
یا گؤزونو قان بۆرۆیۆب کور اولموسان؟

یا غیرتین
یا ناموس‌ون داشلارینی
داش داشییب یورولموسان؟

یا هئش یوْخسان
یوْخ اوْلموسان!

م. ق