Allah dünyanı incə nizamla yaradib xəlq etdiyi insana da kamillik dərəcəsini bəxş edərək fani və əbədi dünyada yaşamaq şansı verib. Nizamli dünyanı nizamsız hala gətirməyə çalışan insan bu dünyanın insanlara necə səbr etdiyini dərk edirmi görəsən

?!

Bütün gün çirkləndirdiyimiz hava özü- özünü təmizləyib bizə nəfəs verir. Bütün gün tapdalayıb zibillədiyimiz, çirkablar axitdiğimiz torpaq bizi ağuşunda bəsləyir

.

Çirkablardan arındıran su ilə həyatda qalır, pak olmağın gözəlliyini yaşayırıq. Yer öz oxu ətrafında fırlanaraq həyatın var oluşuna xidmət edir. Ay gedir, Günəş çıxır. Gecə bitir , şəhər açılır. Allah bütün nizamı qoruyaraq təbiəti insanın xidmətinə verir

.

Bəs insan özü necə, özü – özünü mənən təmizləyib nizamını qoruya bilirmi

?

Təəssüf ki, insan ona xidmət edən suyun, havanın, torpağın əslində ona necə bir əziyyətlə xidmət etdiyinin fərqinə varmır. Ətrafina vurduğu zərər heç onu maraqlandırmır da

.

Amma Allah insana da paklaşmaq üçün mənəviyyat vermiş, bütün dünyanı onun xidmətinə verərək əbədi yaşamaq nizamınızı da siz qazanın demiş

.

Biz insanlar fani dünyaya çox aludə olmuşuq.İnsan var ki,cah- cəlal ,məqam naminə özünü yox ,ona mane olan nə qədər insanı ortadan təmizləyir, dünya ona qalacaqmış kimi yaşayır. İnsan da var ki,bir tikəsini bölüb əzab çəkən canlıya yedirir, məqamını Allah qatında yüksəldir

.

Hər iki dünyada yüksəlmək gözəldir

.

Bu yüksəliş ancaq mənəvi təmizliklə ,əməli davranışla mümkün olur

.

Çox təəssüf edirəm ki, məqamını, özünü əbədi zənn edən insanlar haqq ədalət üçün çalışan insanlarla bərabər bu təmizlənən havanı udur, torpağa ayaq basır, pak suyunu içirlər. Nizamla xidmət edən dünyada bütün nizamsızlıqlara səbəb olurlar

.

Zalimlar zülmündən zövq alır, məzlumlar ahından qəzəb çeynəyirlər. Amma Allahın nizamını pozmağa heç kimin qüdrəti çatmaz

.

İnsanlıqdan çıxmış, təmizlənmək istəməyən zalimlar unutmasınlar ki, suyu, havanı, torpağı təmizləyən Allah sizləri də özü təmizləyəcək bu dünyadan

.

Nə cah- celalınız, nə də məqamınız dadınıza yetişib sizə həyat bəxş etməyəcək. Ruhunuzu Allah, bədəninizi torpaq təmizləyəcək

.