Asta süzək, yavaş – yavaş, baxaq qara torpaqlara,

Görən niyə ot bitməyib, rəngi qaradır, qap- qara.?!

Bir az dayan, nə gözəldir, bura ki ,tam sıx meşədir

Kaş ki, aslanlar dolaşa, çaqqal çoxşa əndişədir.

Dənizlərin üzərinə sən kölgə sal,

Baxım mən də əksimizə, uşaq kimi qoy sevinim.

Dənizdə gördüyüm mənə, mənə baxıb gülən mənə, istəyirəm əl eyləyim.

Hirslə çırpan ləpələrə, dalğalanan dənizlərə, səmalardan su çiləyim.

Dağ başından keçəndə sən, çox qaralma qurban olum!

Yağdırdığın buzlarınla məni yerə göndərmə sən , qurban olum!

Gəzdir hələ,qaldır məni yüksəkliyə

Qoy gördüyüm deniz olsun,qaya olsun,torpaq olsun.

Çirkablardan uzaq olan cahan olsun.

Gəl enmə sən aşağıya, haqsızlıqdan çox qaralma,

Namərd görüb, şər eşidib, tez tutulub, tez ağlama.

Gəl hirslənmə, endirmə sən şimşəkləri,

Heç ərimə, enmə yerə, səmalarda süzül hələ.

Götür məni Vətənimə,havasın alım, ay bulud!

Orda bitən çiçəklərin, bar gətirən ağacların qoxusunu alım, ay bulud!

Baxım elimə, obama, qoy məlhəm olsun yarama,

Məni sən də yaralama,endirmə yerə, ay bulud!