ایرانین آنا یاساسینین قوشقولو اللرله یاریلماسی و اوردا، بشر حقوقونو گؤز آردی ائدیب، اؤلکه نین تورک چوخونلوغونو گؤرمزدن یولا دوشرک، تاجیک ( فارس) دیلینی رسمی ائدیب، ایراندا یاشایان میللتلره دایاتیلماسی دانیلماز بیر گئرچکدیر.
ایرانین ازیچی چوخونلوغو هر زامان تاریخ بویو تورکلر اولموشدور. تاریخی تحریف ائدیب و گئرچکلری اؤرت-باسدیر ائتمکله تاجیک دیلینی رسمی دوروما میندیرمک و تورکلری و تورک دیلینی ۱۵-جی ماده ایله آزینلیق دورومونا سالماق کئچمیش یوز ایللیگین باشدا گئدن ان بؤیوک توطئه لرینین بیریسی اولموشدور.
بیر حالدا کی ایرانین آنا یاساسینین ۱۹-جو ماده سی بوتون ایراندا یاشایانلارا ائشیت (برابر) حاقلار تانیییر و هر تورلو رنگ، کیملیک و دیل اوستونلوک ساییلمیر، بو ماده نین ایچریگی، ۱۵-جی ماده-ده عمدی اولاراق گؤز آردی ائدیلمیشدیر و تاجیک دیلینی باشقا دیللره اوستون سایاراق، او دیل رسمیت کورسوسونه میندیریلمیشدیر.
ایرانین ازیچی چوخونلوغو هر زامان تاریخ بویو تورکلر اولموشدور. تاریخی تحریف ائدیب و گئرچکلری اؤرت-باسدیر ائتمکله تاجیک دیلینی رسمی دوروما میندیرمک و تورکلری و تورک دیلینی ۱۵-جی ماده ایله آزینلیق دورومونا سالماق کئچمیش یوز ایللیگین باشدا گئدن ان بؤیوک توطئه لرینین بیریسی اولموشدور.
۱۵-جی ماده نین ان بؤیوک سونوجلاریندان بیریسی، بو ماده-یه دایاناراق، تورکلری و تورک دیلینین عمدی اولاراق آزینلیق دوروما دوشمه سی اولموشدور.
بو گون اؤلکه ایچینده یاشایان هر بیر تورک، بشر حقوقونا دایاناراق، ۱۹-جو ماده یه دایاناراق، تام ائشیت (مساوی) حاقلارینی ایسته مه لیدیر. ۱۵-جی ماده-نی ایسته مگین، آزینلیق دوروما دوشمه گی اونایلاماغین، آشاغیدان یوخارییا باخماغین زامانی چوخدان بیتمیشدیر.
بو گون آرتیق ۱۵-جی ماده نین نه قدر بشر حقوقلارینا قارشی اولماسی و ایرانین آنا یاساسیندا ۱۹-جو ماده-نی نقض ائتمسی گؤرلر اونونده دیر. دوروم بئله ایسه، هر تورکون ایسته گی تورک دیلینین رسمی اولماغینین گرکلی اولماغیدیر.
