Yarpaqlar titrəyir…

Qorxularından deyil,

Bağlandığı budağı

itirmək əndişəsi…

Bağlılıqdır məlhəmi,

Təzə nəfəs bəxş edən

Yaşıllıqdır

Təmizliyin, sevginin

üzünə çıxan rəngi.

Həyəcandan, sevdadan

asta -asta titrəyər

Agaclara sevgidən

özünü fəda edib

budaqları tərk edər…

Ayrılıq soldurar onu

Ayrılıq qurudar onu

Titrəyislər olmasa da,

Küləklər sovurar onu…

Yenə, yenə

bağlandığı ağacına

ovularaq qida olar…

Artıq əsə bilməsə də,

Bəzək verə bilməsə də,

Köklərinə yapışaraq,

qarışaraq həmdəm olar…