اؤن سؤز
آزربایجان سئوگی اؤلکه سی دیر، محبت یاتاغی دیر، اودلار دیاری دیر. بوندان باش قووزایان گونش، اؤز شعاعلارینی دونیایا ساچمادادیر. سیرلر خزینه سی بورادادیر! بورا اودلار یوردو، آزربایجاندیر!
دوقتور محمد رضا کریمی باغبان
گؤز قاماشدیریجی گؤزللیک لر یوردودور، اؤزونه مخصوص دیلی، تاریخی، ادبیاتی، کولتورون اولاراق، دونیایا بو گؤزللیک لری پای وئرن آناوطنیمیزدیر!
آزربایجانین بیر شناسنامه سی وار:
بو شناسنامه ده ۱) دیل، ۲) تاریخ، ۳) ادبیات، ۴) جوغرافی توپراقلاری، ۵) آداب و عنعنه لری، ۶)صنعتی – موسیقی، نمایشنامه، رومان، ۷) مادی ثروتلری، معنوی خزینه سیله دولو بیر اؤلکه و باشی اوجا بیر ملتی واردیر.
آزربایجان ملتی نین دولت یاراتمادا گوجلو و سابقه لی بیر ملت دیر، آزربایجاندا تورک ملتی تکجه اؤز توپراقلاریندا یوخ، بلکه بوتون بو بؤلگه لرده امپراتورلوق یارادیب، تامام منطقه نی اؤز قلمروو و یا اؤز سیطره سی آلتینا آلمیش.
هم میلاددان اؤنجه و هم اسلامدان سونراکی دؤورلرده بوگون ایران آدلانان توپراقلاردان: عراق عجم – عراق عرب، اورتا آسیایا قدر – هنده قدر سوردویو امپراتورلوقلاردا بؤیوک آوادانلیقلار یارادیب و بو اثرلر بوگون ده گؤز اؤنونده دیر.
دوخسان سگگیز ۹۸ ایل اؤنجه ده اسیرلیکدن اؤزونو آزادلیغا یؤنلده بیلن بیر ملتدیر.
بو آزربایجان ملتی! شرق دونیاسی نین بیرینجی لری و سونونجولاری دا بورادان باش قالدیریر.
آزربایجان بو عنوانلارلا آزربایجان اولموش، دونیادا تانینمیشدیر.
گونش آزربایجاندان ساچیلیر.
دوشونجه لر بورادان پایلاشیر، وارلیغیمیز بورادادیر.
——————————————————–
بیرینجی دانیشیغین پی دی اف فایلی
گونش آذربایجاندان ساچیلیر – ۱- آزربایجانین دونَنی، بوگونو، گله جه گی: دوقتور محمد رضا کریمی باغبان
