بو یازی نین مخاطبی سیاست ایله ایلگی لنن آذربایجان میللی فعال لاری دیر
ایران هئچ بیر زامان دمکراسی اوزو گورمه میشدیر. توپلوم و گنج لر نه قدرده دمکراسی ایسته سه لر، اونا حسرت قالمیشلاردیر. بو جغرافیادا سیاسی اولایلاری و دئیشیم لری هر زامان راحاتلیقلا اون گؤرمک مومکون دئییل. استبدادی گوج مخالف لری هر زامان باسدیرار و ایللر بویو توپلانان سیاسی انرژی بیر آن آزاد اولوب و هر یئری سئل کیمی اونونه آلیب یولونا دوام ائدر.

مهسا امینی نین اولوموندن سونرا و اوزللیکله قادین لارین اؤنملی رولو اولان ایران داکی گؤستریلیر چیغ کیمی بؤیومکده دیر. ایران دا و دونیادا سیاسی شرطلرین دییشمه سی ایله بو گؤستریلرین باسدیریلماسی چوخ دا راحات اولمایاجاق و بؤیوک احتمال ایله داها دا بؤیویه جکدیر.

بو دورومدا آژربایجانین دورمو و یاخلاشیمی نئجه اولابیلر؟

****

دوغال اولاراق آژربایجان تورک گنجلیگی و اؤزه للیکله قیزلار بو حرکته قوشولموشلار و گونئی آزربایجان شهرلری گؤستریلرین مرکزی حالینه گلمیشدیر. کرج ده حدیث نجف زاده آدلی ۲۰ یاشیندا تورک قیزی نین شهادتی بو اولایلارا یئنی بویوت وئرمیشدیر. گورونن اوکی آزربایجان گنج لیگی بو گؤستری لرین داومینی و بیر آنلامدا رژيمين ديزه چوكمه سي آرزوسوندادير.

بو دورومدا آزربايجان ميللي فعاللاري اولايلارا قايغسيز قالابيلمزلر. اگر جدي اولماز ايسه لر و گؤستري لرده آغيرليقلارين قويمازسالار چوخ جدي ضررلره اوغراياجاقلار.

بو دورومدا بیر نئچه اونملی فاکتورو دیقت آلماق لازیمدیر:

۱.  ايرانين باسقي جي رژيمي ياشاديقجا آزربايجان ميللي حركتي ايستك لري و هدفلرينه چاتابيلمه يه جك دير. بو دورومدا ايرانين باشقا بولگه لرينه تاي حركته قوشولمالي دير كي رژيمين چوكوش دونمي سرعت ايله قاباغا گئتسين.

۲.  ميللي فعاللار اوزاقدا قالسالار او زامان گنجليك و اوزه لليكله قيزلار و قادين حركاتي ايله ميلي حركت آراسينداكي باغلار سارسيلاجاق و بو دورمودا گنجلیک و گؤستری لرده فعالجا اشتراک ائده نلرین باشقا سياسي گوجلره طرف يونلمه احتمالي آرتاجاقدير.

۳.  ميللي حركت اوزاقدا قالارسا او زامان گونئي آزربايجان داكي گؤستريلر سلطنت طرفدارلاري، ايرانچي لار و يا مجاهدلر طرفيندن منيمسه نه بيلير و حركت يولوندان جايدريلابيلر و بو دورومدا ميللي حركتين ايللر بويو توپلاديغي گوج بوشا و هدره گئدر.

۴ .اگر ميللي حركت اولايلارا جدي شكيلده قاتيلماسا او زامان تورك دونياسينين بو حركتين يانيندا اولاجاغيني دا كيمسه ده ن اومابيلمز. اما اگر حرکت ده جدی یئرین آلسا ان آزی تورک دونیاسی مئدیاسینی آرخاسینا آلابیلیر.