بیزیم

اکینیمیز عطالت اولدو بیزیم

                  بیچینیمیز بطالت!

اوچدویسا دا باشیمیز اوسته رحمت آدلی “هوما”

تکجه شمبه ­لی گونلر دئییل،

         گونلرین سولطانی بئله: “جوما!..”

هر گئچن آیدان داها گلن آیلار:

                                   عاطیل!

          هر اؤتن ایلدن گلن ایللر

                       داها دا باطیل…

                       هه… بالام بالاسی…

                       ***

تونقال اوستن آتیلاسی دئییل،

اودون اورتاسینا بیزلر آتیلاسی…

                                         هه…

ایل بویونجا یالنیز دؤرد

سو؛ یئل، تورپاق؛ اود چرشنبه ­سی دئییل!

اؤیونلریمیز: آتیل دئییل؛

                          عاطیل!

 دانلاریمیز: باتیل دئییل؛

                        باطیل!

بوردا بوتون آیلاریمیز عاطیل

            توم ایللریمیز باطیل!

            عؤمورلریمیز ایسه

                     عاطیل ایکن باطیل…

شعر:

اوستاد علی مظفری