تکجه اؤزونوزومو تئهرانلی تورک سانیرسینیز؟
تئهران و تبریز تورکو نه دئمکدیر؟
جنابلار تورکلویو تئهرانا، تورکچولویو ایسه تئهرانچیلیق‌لا گۆرونور سهو سالیبسبز.
نئجه کی بعضی‌لری ده آزربایجانچیلیغیمیزی و تورکلویوموزو تبریزچیلیک له سهو سالیر؛ سیز ده همن خطایا دوچار اولموشسوز هم ده آشیری درجه‌ده.
همیشه چالیشیرسینیز واراولمایان و یوخدان بیر ایج ساواش چیخارداسینیز. آزربایجانین یوخاری بؤلگه‌لی فعال‌لاری ایله آزربایجانین جنوبلا بیتیشیک بؤلکه‌لری آراسینا فرق قویماغی نفرت و شکاف یارتماقدان سانکی ذؤوق آلیرسینیز کیمی داورانیرسیز.
ایچ نقصانلاری دئمک طرزینیز سیزی آزربایجان و آزربایجان فعالارینا نفرت ائتمه‌یه سوق وئریب. هامیمیزین بللی کی اؤز مساله‌میزه داییر ایچ و عائله مساله‌میز اولدوغونو حساب ائدیب حتی کسکین تنقیدیمیز ده وار. ( دئمیرم ده اولا بیلر چونکو گرچکدن تنقید یئری وار اؤزوموزه)
ایندیلیکده مرکزیتی آزربایجان اولان تورکلوک حرکتینه یانلیش یا دا دوغرو اولان تنقیدلریز سیزی فاضلا نفرت ائتمه‌یه سوق وئررک تاسف‌له چیی یازیلارینیزلا بیلمه‌دن تورکلوک حرکتینه ضرر وئریب انرژیمیزی تۆکدیرسینیز.
بیرده کی ملی حکومت آدی و پلاتفورمو هر نه ایسه سونوج اعتباری ایله تورکلویون بیر بؤلومونه آتیلان خئییرلی آددیم ایدی. یارمچیق و یا ایرادلاری اولسایدی دا بئله. لاکن ساووندوغوز قاجار دوغرو کی فارس ناسیونالیزمینین بیزدن تئز اویاندیغی، تورک عنصرلارینین تورکلویو قاورامادیغی، قاجار شاهزاده و شاهلاری‌نین مانقورتلاشماسی و دیگر داخلی عامل‌لرینی ده گؤزدن قاچیرماق و مساله‌یه تک خارجی عامیلین گوجونو قابارتماق دا سهو دیر.
خاریجی توطئه‌لری گؤروروک آنجاق داخلی عامیللر ده بیر خالقین سیاسی اجتماعی مدنی ضعفلرینی و تاملاشماسی اۆزره اؤزونو درک ائتمه سئیرینی آسیب شناسی ائتمیریک. سوچو تاریخی اولای‌لاردا گزیریک و جامعه شناختی اولاراق اؤز خالقیمیزی بئله اینجه‌له‌میریک.
چونکوْ سوچو اؤزگه‌یه آتماقدان راحات ایش یوخدور. آنجاق آراشدیریب خالقیمیزین آلت یاپیسی دوشونجه‌لرینی آنالیز ائتمک اولدوقجا چتین دیر و هله کی بیزده بئله بیر بیلمسل سوسیولوژی و تمل تحقیقات مرکزلری ده یوخدور. بونو آراشدیرماغا جهد ائدن ده یوخ بئله.
مساله‌یه لطفن بیر گئنیش آچی و گؤرکمدن یاناشاق. بیلیمده بونو تقلیل گرایی دئییرلر یعنی بیر چوخ پارلئل ائتکن لری بوراخیب تک بیر عامیلی قابارتماغا دئییرلر تقلیل گرایی.
احمدشاهین ایکی سئودیی و باغلی اولدوغو شخصیت وار ایکیسی ده فوق العاده فارس شوونیستی.
رسولزاده‌نین قوردوغو آزربایجان دموکراتیک خالق جمهوریتی ایله ممالک محروسه ایرانین آراسیندا اولان مساله‌لری اوخوسانیر، بیلرسینیز کی قاجار نئجه و کیملر طرفیندن ایداره اولوردو.
قاجاردان آرتیق بیر آد وار ایدی. عملده دولت و مفکوره‌سی فارسچلیق ایدولوژیسینه قوللوق ائدیردی. طبیعی کی قاجار ییخیلماسایدی وضع بو دورما بنزمزدی ان آزی. لاکن پیشه‌وری یه اولان نفرتینیز سبب اولور باشقا بیر یانلیشا سیغینیب باشقا یانلیشلاری گؤرمه ییب یا دا ساووناسینیز. نتیجه ده یانلیش یانلیشدیر، نقصان نقصان دیر. بو دا بیزیم بیر خالق اولاراق گئج سیاسی بلوغا چاتمامیزدان دوغولور.
آنلایین کی قاجار دولتی آرتیق مشروطه‌دن اؤنجه ده فارسچلیق ناسیونالیزمینین الینه کئچمیشدی. احمد شاها آتاتورکون وئردیگی و احمد شاهین بو دسته‌گی قبول ائتمه‌مه‌سینی ده یادینیزا سالین. پهلوی‌یه و عمومیتله فارس شوْونیزمینه اولان دوغرو نفرتیمیز سبب اولماسین کی قاجارین، تورک آیدینلارینین و اوزامانکی آزربایجان سیاسی و احتماعی دوروموندان یارانان غیر ملی شرطلر ایچینده ائتدیکلری خطالاری ( داها دوغروسو تورکلوکدن هئچ نه آنلاماماق‌لاری) او زامانین ظرف زمانیندا اؤلچولمه‌لی دیر.
